Sý tasqyny: Ózbekstan Qazaqstanǵa gýmanıtarlyq kómek jiberdi

<p>TAShKENT. KAZINFORM &ndash; Ózbekstan prezıdenti Shavkat Mırzıeevtiń tapsyrmasy boıynsha Qazaqstannyń sý tasqynynan zardap shekken aýdandaryna gýmanıtarlyq kómek jiberildi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstan úkimetiniń baspasóz qyzmetinen málim etkendeı, qajetti gýmanıtarlyq júk tıelgen kólikter búgin Qazaqstanǵa baǵyt aldy.

«Mınıstrler kabınetiniń ókimi negizinde 15 júk kóligine gýmanıtarlyq júk artylyp, olardy jetkizý boıynsha tıisti uıymdastyrýshylyq máseleler sheshildi. Júkti Ózbekstan prezıdentiniń keńesshisi Tursynhan Qudaıbergenov bastaǵan jumys toby alyp baryp, tabystaıdy», - delingen Ózbekstan úkimetiniń baspasóz qyzmetinen taratqan habarlamada.

Málim bolǵandaı, kólikterge azyq-túlik, balalar men eresekterge arnalǵan kıim, kórpe, jastyq, gıgıenalyq quraldar, arnaıy jabdyqtalǵan shatyrlar, rezeńke qaıyqtar men basqa da qajetti taýarlar tıelgen.

Qosa ketsek, keshe Tájikstan úkimeti Qazaqstanǵa 3,5 myń tonna gýmanıtarlyq kómek jibergen edi.