Sý tasqyny: Qulsaryda bir kópir ishinara buzylyp, ekinshisi jabyldy

<p>ATYRAÝ. KAZINFORM &ndash; Tasqyn sý kirgen Qulsary qalasynda bir kópir ishinara buzylyp, ekinshisi jabyldy.&nbsp;</p>

Jylyoı aýdany ákimdiginiń málimetine súıensek, turǵyndardyń qaýipsizdigi úshin osyndaı sheshim qabyldanyp otyr.

«Qulsary qalasyndaǵy «Dostyq» shaǵyn aýdany men 5-aýyldy jalǵap turǵan kópir ishinara buzyldy. Bul kópir ishinara buzylǵanymen, kólik qatynasyna keri áser etpeıdi. Sebebi, munda kólik qozǵalysyna arnalǵan basqa jol bar. Tasqyn sýdyń deńgeıi túskennen keıin atalǵan kópir qaıtadan qalpyna keltiriletin bolady», - dep habarlady aýdandyq ákimdik.

Aýdandyq jedel shtabtyń sheshimimen bul kópirdiń ústimen júrý qaýipti dep tanylǵan. Óıtkeni, kópir astymen aǵysy joǵary tasqyn sý ótip jatyr. Sondaı-aq monoqalanyń U.Ábdirahmanov kóshesindegi kópir ýaqytsha jabylǵan.