Sý tasqyny kezinde buzylǵan jol tósemderi qalpyna keltirildi

<p>ASTANA. KAZINFORM &ndash; Respýblıkalyq mańyzy bar joldarda sý tasqynynan týyndaǵan aqaýlardy joıý, kólik qozǵalysyn qalpyna keltirý sharalary júrgizilýde. Bul týraly Kólik mınıstrligi avtomobıl joldary komıteti tóraǵasynyń orynbasary Ǵalymjan Ótenbaev aıtyp berdi.</p>

Atap aıtqanda, bógetter ornatý, qum salynǵan qapshyqtar tóseý jáne sý aǵyzýǵa arnalǵan qosymsha aryqtar qazý sııaqty aldyn alý sharalary qolǵa alyndy.

Sý tasqyny saldaryn barynsha azaıtý maqsatynda 9 ýchaskede 70 metrge jýyq jol tósemi májbúrli túrde buzylǵan edi.

Qaraǵandy oblysyndaǵy «Bastaý – Aqtaý – Temirtaý» avtomobıl jolynyń 25 shaqyrymy;

Pavlodar oblysyndaǵy «Atameken – Ertis – Rýsskaıa polıana» avtomobıl jolynyń 2 ýchaskesi;

Qostanaı oblysyndaǵy «Denısovka – Arshaly – Komarovka» avtomobıl jolynyń bir ýchaskesinde (41 km).

Soltústik Qazaqstan oblysynda «Jezqazǵan – Petropavl» avtojolynyń 706 jáne 872 shaqyrymynda, «Býlaevo – Vozvyshenka – Qııaly – Roşınskoe» 208 km avtojolynda, «Roşınskoe – Korneevka – Voloshınka» 14 km jáne «Voloshınka – Sergeevka – Tımırıazevo» 2 km avtojolynda da jol tósemin buzýǵa týra keldi.

«Jedel is-árekettiń nátıjesinde joldardyń basym bóligi qalpyna keltirildi. Búgingi tańda «Jezqazǵan – Petropavl» tas jolynyń 872 shaqyrymyndaǵy Amangeldi jáne Pokrovka aýyldary arasyndaǵy ýchaskede jol tósemin qalpyna keltirý jumystary jalǵasyp jatyr. Jumystyń barlyq túri joldardy kútip-ustaýǵa bólingen qarajat sheńberinde júzege asyrylýda», - dedi Ǵ. Ótenbaev Ortalyq kommýnıkatsııalar qyzmetinde.