Sý tasqyny kezinde baspanasyz qalǵan turǵyndar kún sýyqta dalada qalmaıdy - mınıstr

<p>ASTANA. KAZINFORM &ndash; Sý tasqyny kezinde baspanasyz qalǵan turǵyndar qysta dalada qalmaıdy. Bul týraly Úkimet otyrysynan keıingi brıfıngte Ónerkásip jáne qurylys mınıstri Qanat Sharlapaev aıtty.</p>

«Qazirgi tańda Batys Qazaqstan oblysynda – 775, Aqmola oblysynda – 331, Aqtóbe oblysynda – 504, Atyraý oblysynda 100 úı salyp jatyrmyz. Meniń oıymsha, qyrkúıekke deıin qurylys jumystarynyń 80 paıyzyn aıaqtaımyz. Birneshe nysannyń qurylysy 15-20 qyrkúıekke deıin sozylýy múmkin. Basty maqsatymyz – qyrkúıektiń sońyna deıin qurylysty tolyq aıaqtaý», - dedi BAQ ókilderiniń saýalyna jaýap bergen mınıstr.

Onyń dereginshe, Batys Qazaqstan oblysynyń Bórli aýdanynda 60 úıdiń Syrym aýdanynda 14 úıdiń qurylysy tolyqtaı aıaqtaldy. Syrym aýdanynda qalǵan úılerdiń qurylys jumystary 25 tamyzǵa deıin aıaqtalady.

«Aqtóbe oblysyndaǵy jaǵdaı jaman emes. Tek bir aýylda qıyndyq bar. Ol aýdan ortalyǵynan 90 shaqyrym qashyqtyqta ornalasqan. Jańa orynda Nura aýylynyń úılerin salyp jatyrmyz. 15-20 qyrkúıekke deıin qurylysty aıaqtaımyz», - dedi Qanat Sharlapaev.

Sonymen qatar mınıstr barlyq óńirde qurylys jumystary ýaqytyly aıaqtalyp, turǵyndar kún sýyqta dalada qalmaıtyndyǵyn basa aıtty.