Tasqyn kezinde 7 adamnyń joǵalýyna baılanysty qylmystyq is qozǵaldy

<p>ASTANA. KAZINFORM &ndash; QR Іshki ister mınıstriniń birinshi orynbasary Marat Qojaev sý tasqyny kezinde qaza tapqan nemese habarsyz ketken adamdarǵa qatysty qylmystyq ister qozǵalǵanyn aıtty.</p>

«Osyndaı qaıǵyly jaǵdaılar bolyp, buqaralyq aqparat quraldarynda keńinen talqylandy. Abaı oblysynda eki adam joǵalyp ketti jáne Atyraý oblysynda da derekter anyqtaldy. Bul faktiler boıynsha qylmystyq ister qozǵaldy jáne tergeý tıisti protsessýaldyq sharalardy atqaryp jatyr. Onyń nátıjeleri munyń qalaı bolǵanyn, sebepterin, oǵan yqpal etetin jaǵdaılardy jáne osy oqıǵalarǵa kimniń kináli ekenin anyqtaýǵa múmkindik beredi», - dedi M. Qojaev Senatta tilshiler suraǵyna jaýap bere otyryp.

Bul turǵyda ol atalǵan másele boıynsha qozǵalǵan qylmystyq isterdiń sanyn aıtty.

«Vedomstvo iz-túzsiz joǵalǵandarǵa qatysty qylmystyq is qozǵady. Qazir mundaı sıpattaǵy jeti qylmystyq is bar. Olardyń barlyǵyna qatysty aldyn ala tergeý amaldary júrgizilip jatyr», - dedi mınıstrdiń orynbasary.