Sý tasqyny: Qarýly kúshterdiń áskerı qyzmetshileri Oralǵa keldi

<p><strong>ORAL. </strong>KAZINFORM &ndash;&nbsp;<strong> Batys Qazaqstan oblysynda aýmaqtyq qorǵanys brıgadasynyń júzden asa áskerı qyzmetshisi sý basýǵa qarsy jumys júrgizý úshin Oral qalasyna keldi.&nbsp;&nbsp;</strong></p>

Qorǵanys mınıstrligi baspasóz qyzmetiniń málimetinshe, óńirde sý tasqynyna qarsy júrgizilgen aldyn alý sharalaryna qaramastan, qardyń erýi men nóser jańbyr saldarynan oblys ortalyǵynyń birqatar aýdanyn sý basý qaýpi týyndap otyr. 

Foto: Qorǵanys mınıstrligi

Polkovnık Rasýl Zákirovtyń basshylyǵymen 99250 áskerı bóliminiń áskerıleri bir táýlik ishinde turǵyn úılerdi, ákimshilik ǵımarattar men joldardy sý basýdan qorǵaý úshin qoldan kelgenniń bárin jasap jatyr. 

Foto: Qorǵanys mınıstrligi

Bul rette 5 myńnan astam qum salynǵan qap daıyndaldy, olar erigen sýǵa bóget bolady. Birneshe júz metrlik kedergiler salyndy, bul sý aǵyndaryn aldyn alýǵa kómektesedi. 

Foto: Qorǵanys mınıstrligi

Brıgadanyń jeke quramy aýysymmen jumys isteýde jáne sharýashylyq obektileri men azamattardyń múlkine zalal keltirmeýdiń bar amaly qarastyrylyp jatyr. 

Foto: Qorǵanys mınıstrligi

Buǵan deıin Batys Qazaqstan oblysy Qorjyn aýylynda úıler sý astynda qalǵanyn jazǵan bolatynbyz.