Sý tasqyny: El-jurt judyryqtaı jumyldy

<p>KÓKShETAÝ. KAZINFORM &ndash; Aqmola oblysynyń 6 aýmaǵynda tótenshe jaǵdaı. Kókshetaý qalasy, Esil, Jarqaıyń, Atbasar, Bulandy jáne Astrahan aýdandary tasqyn sýmen kúresip jatyr. Qalyptasqan jaǵdaıǵa baılanysty búkil qoǵam bolyp toptasty.&nbsp;</p>

Tótenshe jaǵdaılar qyzmetkerlerimen qatar partııa músheleri, partııa depýtattary men «Jastar rýhy» jastar qanatynyń eriktileri jergilikti bılik organdarymen birge sý tasqynyna qarsy qolǵa alynǵan sharalarǵa atsalysýda. Aqmolalyq kásipker depýtattar aýyr tehnıkamen kómektesip, arnaıy esep shotqa qarjylaı aqsha aýdaryp, tótenshe jaǵdaı qyzmetkerlerine ystyq tamaq jasap, qum salatyn qaptar satyp alyp, kún-tún demeı halyqpen birge. Zardap shekken turǵyndarmen kezdesip, memleket tarapynan kómek kórsetetin arnaıy komıssııalardyń quramynda jumys isteýde. Gýmanıtarlyq júkterdi jetkizýdi uıymdastyryp, volonterlerdiń jumysyn úılestirip jatyr.

Foto: «AMANAT» partııasynyń Aqmola oblystyq fılıaly

Zardap shekkenderge jan jaqty kómek kórsetý úshin «Amanat» partııasynyń janynan qurylǵan óńirlik shtabtar úzdiksiz qyzmette. Shtabtarda azamattarǵa medıtsınalyq, psıhologııalyq jáne aqparattyq kómek kórsetilip jatyr. Kelip túsken aryz-ótinishter dereý qabyldanyp, sheshimin taýyp jatyr. Tótenshe jaǵdaı jarııalanǵan aımaqtarda júrgen depýtattar áleýmettik qyzmetkerlermen birge ár azamatqa túsindirme jumystary júrgizilip jatyr. Máselen, oblystyq partııa jetekshileri, jergilikti aýdandyq partııa ókilderi men áleýmettik qyzmetkerlerden quralǵan mobıldik top tek bir kún ishinde ǵana úıilerine sý kirgen 150-den astam atbasarlyq azamattarmen túsindirme jumysyn júrgizdi. Bul jumys kúndelikti jalǵasyp jatyr.

Foto: «AMANAT» partııasynyń Aqmola oblystyq fılıaly

Kókshetaý qalasyndaǵy Dostyq úıininiń janynan ashylǵan gýmanıtarlyq kómek jınaý ortalyǵyna óńirdegi jany jomart azamattardan azyq-túlik, kıim-keshek jáne turmysqa qajetti zattar kelip túsip jatyr. «Jastar rýhy» jastar qanatynyń eriktileri zardap shekken turǵyndarǵa úlestirip jatyr. Oblystaǵy sý tasqynanyn zardap shekken 6 aýdannyń jurtshylyǵyna Pavlodar, Jambyl oblystarynan, Astana qalasynan úzdiksiz gýmanıtarlyq kómek tıelgen júk kólikteri kelip jatyr. Jergilikti volonterler ony dereý taratyp jatyr. 

Oblysymyzda 500-den astam volonter aıanbaı eńbek etip, úlestrin qosyp jatyr. «AMANAT» fraktsııasynyń depýtattary da qıyndyqqa tap bolǵan óńirlerde, eldiń ortasynda júr. Qazir barlyq kúsh, barlyq resýrs sý tasqynyn eńserýge baǵyttalyp otyr. Depýtattar halyqpen únemi baılanysta. Tasqyn sýdyń beti qaıtqansha óńirlerde halyqpen birge.

Eshkimde eskerýsiz qalmaıdy.