Sý tasqyny: Dárigerler 800-ge jýyq adamǵa kómek kórsetti

<p>ASTANA. KAZINFORM &ndash;Sý tasqyny bastalǵaly beri TJM Apattar medıtsınasy ortalyǵynyń medıtsına qyzmetkerleri Batys Qazaqstan, Atyraý, Aqtóbe, Soltústik Qazaqstan jáne Qostanaı oblystaryndaǵy turǵyndarǵa medıtsınalyq kómek kórsetti.</p>

«Kómekke jalpy sany 800-ge jýyq adam júgindi. Qazirgi ýaqytta Apattar medıtsınasy ortalyǵynyń 7 brıgadasy Atyraý jáne Batys Qazaqstan oblystarynyń turǵyndaryna kómek kórsetýde, sondaı-aq TJM psıhologtary evakýatsııalyq pýnktterde azamattarmen jumys júrgizip jatyr. Jedel jeli telefonyna 2 258 qońyraý tústi», - dedi QR TJM ókili Asqar Shárip Ortalyq kommýnıkatsııalar alańynda ótken brıfıngte.

Osy ýaqytqa deıin respýblıka boıynsha 41 195 adam óz úılerine oraldy. 6 377 adam evakýatsııalaý pýnktterin panalap otyr.

Soltústik Qazaqstan, Atyraý jáne Aqtóbe oblystarynda 7 184 turǵyn úı men 2 844 aýla aýmaǵynan sýdyń baǵyty burylyp, sý soryldy.