Sý tasqyny: BQO-da 357 jańa úıdiń qurylysy bastaldy
19:11, 20 Mamyr 2024
<p>ORAL. KAZINFORM - Batys Qazaqstan oblysynda sý tasqynynan zardap shekken eldi meken turǵyndary úshin 357 jańa úıdiń qurylysy bastaldy.</p>
Memleket basshysy sý tasqynynan zardap shekken turǵyndarǵa jan-jaqty qoldaý kórsetip, baspanasy jaramsyz bolyp qalǵan turǵyndardy turǵyn úımen qamtamasyz etý qajettigin atap ótken bolatyn.
Batys Qazaqstan oblysynda sý tasqyny saldarynan zardap shekken Qaratóbe, Syrym, Bórli, Báıterek, Terekti aýdandarynyń turǵyndary úshin jańa 357 úıdiń qurylysy bastaldy.
Atalǵan aýdandarda tabıǵı apattyń shyǵynyn esepteý boıynsha qurylǵan komıssııa turǵyn úılerdi tekserý jumystaryn aıaqtady. Merdiger kompanııalar bekitilip, qurylys jumystary júrgizilýde.
Batys Qazaqstan oblysynyń ákimi Narıman Tóreǵalıev qurylys jumystarynyń ýaqytyly aıaqtalýy men sapaly bolýyn tikeleı óziniń baqylaýynda ustap otyr.