Sý tasqyny: Batys Qazaqstanda ólgen mal sany 1 myńnan asty

<p>ORAL. KAZINFORM &mdash; Batys Qazaqstan oblysynda sý tasqynyna baılanysty qaýipsiz jerge shyǵarylǵan jáne ólgen mal sany naqtylanyp jatyr.</p>

BQO ákimdiginen túsken málimetke qaraǵanda, óńirde 26 naýryzdan bastap Bórli aýdanynda Aqsý, Keńtúbek, Qaraǵandy, Pýgachev, Qaratóbede Qorjyn, Shalǵyn, Terektide Ańqaty, Syrymda Jympıty, Buldyrty, Óleńti aýyldaryn sý basty. 

Qutqarý jumystary barysynda 983 bas iri qara (Terekti – 76, Syrym – 447, Bórli – 460), 1814 usaq mal (Terekti – 128, Syrym – 731, Bórli – 955) jáne Bórli aýdanynda 31 bas jylqy qaýipsiz jerge aıdaldy. 

Aýdandarda qurylǵan arnaıy komıssııa ólgen mal sanyn esepteý ústinde.

«Aldyn ala málimet boıynsha 91 bas iri qara, 35 bas jylqy, 899 bas usaq mal (sonyń ishinde Syrym aýdanynda 43 iri qara, 141 qoı-eshki, 10 jylqy, Terektide 21 usaq mal, 1 jylqy, Bórlide 42 iri qara, 679 usaq mal, 2 jylqy, barlyǵy 1025 bas mal) jáne Qaratóbe aýdanynda 112 úı qusy shyǵynǵa ushyraǵan. Ólgen mal sanyn naqtylaý jumystary jalǵasýda. Oblysta sondaı-aq 8 mal molasy (Qaratóbe – 1, Syrym – 6, Terekti – 1) jáne 14 túınemeden ólgen mal qorymy (Syrym – 13, Tasqala – 1) sýǵa ketti», dep habarlady vedomstvodan.

Eske sala keteıik, budan buryn BQO-nyń Kaztalov aýdanynda ózen tasyp, 22 aýyldy sý basýy múmkin ekendigin jazǵan bolatynbyz.

Sondaı-aq Oralda kardıologııalyq ortalyqta emdelip jatqan naýqastar kóshirildi.