Sý tasqyny: Batys Qazaqstan oblysynda 23 jol ýchaskesinde qozǵalys shektelip otyr

<p>ORAL. KAZINFORM &mdash; Batys Qazaqstan oblysynda sý tasqynyna baılanysty uzyndyǵy 410 shaqyrym 23 jol ýchaskesinde qozǵalys shektelip otyr.</p>

«Jol aktıvteri sapasynyń ulttyq ortalyǵy» RMK Batys Qazaqstan fılıalynyń ınjeneri Dáýren Ámirovtiń málim etkenindeı, Syrym, Bórli, Terekti jáne Aqjaıyq aýdanynda oblystyq mańyzy bar 5 jol ýchaskesiniń ústine sý shyǵyp ketkeni tirkeldi.

Onyń sózine qaraǵanda, sonymen qatar Syrym, Terekti, Qaratóbe jáne Shyńǵyrlaý aýdanynda 57 jol ýchaskesin sý shaıǵan. 

Foto: "Jol aktıvteri sapasynyń ulttyq ortalyǵy" RMK Batys Qazaqstan fılıaly

Atalǵan ýchaskelerde kóliktiń keptelisi joq. Qalpyna keltirý jumystaryna 121 adam (57 tehnıka) jumyldyrylǵan.

Foto: "Jol aktıvteri sapasynyń ulttyq ortalyǵy" RMK Batys Qazaqstan fılıaly

«Sý ústimen ótken oblystyq mańyzy bar Terekti-Aqsaı jolynyń 79-shaqyrymynda (Terekti aýdany) jáne Jympıty-Qaratóbe jolynyń 102-shaqyrymynda (Qaratóbe) kólikter úshin qozǵalys jabylǵan. Al Jympıty-Qaratóbe jolynyń 38-shaqyrymynda (Syrym aýdany), Bórli-Aqsaı-Jympıty jolynyń 68-69-shaqyrymynda (Bórli aýdany) qozǵalys bar», dedi D.Ámirov. 
Onyń aıtýynsha, aýdandyq mańyzy bar 22 jol ýchaskesin sý shaıyp nemese ústine shyǵyp ketse, kúni búgin sonyń 21-inde qozǵalys toqtatylǵan.

Eske sala keteıik, budan buryn Oral qalasy tusynda Jaıyq ózenindegi sý deńgeıi 7 metrden asqanyn jazǵan bolatynbyz.

Sondaı-aq Jaıyq ózenimen mol sý kelmekshi: Batys Qazaqstanda daıyndyq qalaı júrip jatyr.

BQO ákiminiń orynbasary sý tasqynynan zardap shekken turǵyndardan ótinishter qabyldanyp jatqanyn aıtty.