Sý tasqyny aımaqtarynan 600 bala saýyqtyrý ortalyqtaryna jiberildi

<p>ASTANA. KAZINFORM &ndash; Oqý-aǵartý mınıstrligi eń kóp zardap shekken aımaqtarda turatyn balalardy saýyqtyrý ortalyqtaryna jiberip jatyr. Bul týraly QR Oqý-aǵartý vıtse-mınıstri Edil Ospan aıtyp berdi.</p>

«Sońǵy táýlikterde Almaty qalasyndaǵy ulttyq saýyqtyrý ortalyǵyna Batys Qazaqstan oblysynan balalar qabyldandy. Odan bólek 80 bala Aqmola oblysyndaǵy «Jasdáýren» lagerine ornalastyryldy. Jalpy alǵashqy lekte 11 saýyqtyrý ortalyǵyna Batys Qazaqstan, Qostanaı, Aqmola jáne Aqtóbe oblystarynan 600 bala qabyldanady», - dedi Edil Ospan Ortalyq kommýnıkatsııalar qyzmetinde ótken baspasóz máslıhatynda. 

Mınıstrlik «Qazaqstan temir jolymen» birlesip, balalardyń saýyqtyrý ortalyqtaryna tegin jetkizilýin uıymdastyrýda. 

«Balalar sapaly bilim alýy úshin qajetti oqý-quraldarymen, tamaqtanýmen jáne kıim-keshekpen qamtamasyz etildi. Evakýatsııalyq pýnktterdegi balalardy respýblıkalyq mańyzdaǵy ınnovatsııalyq mektep lıtseıleriniń jataqhanalaryna ornalastyrý jáne oqý protsesin uıymdastyrý máselesi sheshilýde. Búgin «Daryn» mamandandyrylǵan mektepteri balalardy qabyldaýdy bastady», - dedi vıtse-mınıstr.