Sý tasqyny: Atyraý oblysynyń taǵy bir aýdanynda tótenshe jaǵdaı jarııalandy
Jylyoı aýdany ákiminiń orynbasary Gúlnafıs Aıshýaqovanyń málim etýinshe, qazir sý tasqyny qıyndyq týǵyzyp otyr.
«Jylyoı aýdanynda búgin, 4 sáýirden jergilikti aýqymdaǵy tótenshe jaǵdaı jarııalandy. Qazir Qosshaǵyl aýyldyq okrýgine qarasty Qaraǵaı eldi mekenine sý kirdi. Sol sebepten, jedel shtab Qaraǵaı eldimekeniniń turǵyndaryn qaýipsiz aımaqqa kóshirý týraly sheshim qabyldady. Birinshi kezekte áıelder, balalar, naýqas jandar jáne I, II, III-toptaǵy múgedekter kóshiriledi», -dep habarlady Gúlnafıs Aıshýaqova.
Osyǵan baılanysty aýdan ortalyǵy – Qulsary qalasynda úsh qabyldaý pýnkti ashyldy. Bul – №1, 8 jáne 18-orta mektep ǵımarattary.
«Qaraǵaı eldi mekeninen qabyldaý pýnktterine jetkizetin avtobýstar júredi. Turǵyndardan ózderimen birge jeke bas qujatyn, qajetti zattaryńyzdy (shaǵyn tósek oryn t.b.) alý suralady», - dep málim etti Gúlnafıs Aıshýaqova.
Eske sala ketelik, budan buryn Atyraý oblysyndaǵy bir aýdanda tótenshe jaǵdaı jarııalanǵanyn habarlaǵan edik.
Keıin Oıyl ózenindegi sý tasqynyna baılanysty Mııaly aýylynan 559 turǵyn evakýatsııalandy.
Sondaı-aq, Mııaly aýylyna tirelgen sýdyń deńgeıi 1 metr 20 sm boldy.
Oıyl ózeniniń mańynan 7 sharýa qojalyǵy qaýipsiz aýmaqqa kóshirildi.
Mııaly aýylyn tasqyn sýdan qorǵaý jalǵasyp jatqanyn jazǵan bolatynbyz.
Oıyldyń arnasynan asqan sý Mııaly aýyly mańyndaǵy kópirdi buzyp ketti.
Keshe Atyraý oblysyndaǵy Kózdiqara aýylynyń turǵyndaryn evakýatsııalaý bastaldy.
Sondaı-aq, keshe sý tasqynynan Qyzylqoǵa aýdanyndaǵy 8 okrýgke áli de qaýip bar ekenin habarlaǵanbyz.
Búgin Atyraý oblysynda sý tasqynynyń qaýpi áli tolyq seıilmegenin jazǵanbyz.
Al Jylyoı aýdanynda Jem ózeniniń sýy 2 metr 53 sm-ge kóterildi.
Atyraýda Jaıyq ózeniniń jaǵalaýy nyǵaıtylyp jatyr.
Atyraý ardagerleri Atyraý ardagerleri sý tasqynynyń aldyn alý tásilderin usynǵan edi.