Sý tasqyny: Atyraý oblysynyń Qyzylqoǵa aýdanyndaǵy 8 okrýgke áli de qaýip bar

<p>ATYRAÝ. KAZINFORM &ndash; Oıyl ózeniniń arnasynan asqan tasqyn sý Qyzylqoǵa aýdanyndaǵy 8 aýyldyq okrýgke qaýip tóndirip tur.&nbsp;</p>

Qyzylqoǵa aýdany ákiminiń orynbasary Jaras Esenǵalıevtiń aıtýynsha, Mııaly, Jankeldın, Oıyl, Kózdiǵara, Tasshaǵyl, Qarakól, Qyzylqoǵa, Taısoıǵan aýyldyq okrýgterine tasqyn sýdan tónetin qaýip seıilmegen.

«Qyzylqoǵa aýdanynda 31 naýryzda tótenshe jaǵdaı jarııalandy. Qazir Mııaly aýylynda qaýip seıildi. Biraq, Oıyl ózeniniń boıyndaǵy okrýgterge qaýip tónip tur. Sý kirgen eldi mekender joq. Kózdiǵara aýyldyq okrýgindegi Qonystaný aýylynda saıda ornalasqan 4 turǵyn úı sýǵa ketti. Onyń biri – bos turǵan úı. Bul úılerden 8 turǵyn men qoradaǵy mal qaýipsiz aımaqqa kóshirildi. Qazir bul okrýgte 6 arnaıy tehnıka jumys istep jatyr. Okrýgke Tasshaǵyl aýyldyq okrýginen 2 tehnıka kómekke jiberildi. Bul okrýgke qarasty Qosqulaq jáne Búırek eldi mekenderiniń turǵyndary men maly qaýipsiz aımaqta», - dedi Jaras Esenǵalıev.

Ákim orynbasarynyń aıtýyna qaraǵanjda, Oıyl aýyldyq okrýgine qarasty Balabeıit qystaǵy tasqyn sýdyń qorshaýynda qalǵan. Qutqarý jasaǵy 2 qaıyqpen qystaqtaǵy 11 adam men 173 maldy qaýipsiz aýmaqqa shyǵarǵan.

«Aýdanda tótenshe jaǵdaı jarııalanǵan soń 31 naýryzda Mııaly aýylynyń 654 turǵyny 3 evakýatsııalyq pýnkke kóshirildi. Keshe bul aýylǵa tngen qaýip seıildi. Búgin turǵyndar úılerine oraldy. Al, Taısoıǵan aýyldyq okrýginiń 139 turǵyny Atyraý qalasy men Mııaly aýylyndaǵy týystarynyń úılne tasymaldandy. Búgin Kózdiǵara aýyldyq okrýginiń turǵyndary Jańasharýa orta mektebinine evakýatsııalanyp jatyr», - dep málim etti Jaras Esenǵalıev. 

Sondaı-aq, Oıyl ózeniniń boıyndaǵy ózge eldi mekenderdiń turǵyndaryn aýyldyq okrýgterge kóshirý bastalǵan.

«Aýyldardyń irgesindegi bógetti bıiktetý, qapqa qum toltyrý jumysyna mekemelerdiń 1000-ǵa jýyq, polıtsııadan 73, tótenshe jaǵdaılar departamentinen 145 qyzmetker, aýyldardan 2 myńnan astam erikti, 83 tehnıka tartyldy. Qum toltyrylǵan 55 myń qap bógettiń osal tustaryna qoıyldy», - dedi aýdan ákiminiń orynbasary. 

Eske sala ketelik, buǵan deıin Atyraý oblysyndaǵy bir aýdanda tótenshe jaǵdaı jarııalanǵanyn habarlaǵan edik. 

Keıin Oıyl ózenindegi sý tasqynyna baılanysty Mııaly aýylynan 559 turǵyn evakýatsııalandy.

Sondaı-aq, Mııaly aýylyna tirelgen sýdyń deńgeıi 1 metr 20 sm qurady. 

Oıyl ózeniniń mańynan 7 sharýa qojalyǵy qaýipsiz aýmaqqa kóshirildi.

Mııaly aýylyn tasqyn sýdan qorǵaý jalǵasyp jatqanyn jazǵan edik. 

Oıyldyń arnasynan asqan sý Mııaly aýyly mańyndaǵy kópirdi buzyp ketti. 

Al, búgin Atyraý oblysyndaǵy Kózdiqara aýylynyń turǵyndaryn evakýatsııalaý bastaldy.