Sý tasqyny: Atyraý men Almaty arasynda qosymsha poıyz jolǵa shyǵady
10:15, 18 Sáýir 2024
<p>ASTANA. KAZINFORM — Sý tasqyny qaýpi bar aımaqtardan turǵyndardy ýaqtyly tasymaldaý úshin ulttyq tasymaldaýshy «Almaty-Atyraý» jáne keri baǵytta bir reıske qosymsha poıyz bekitti. </p>
№ 215/216 «Almaty-Atyraý» poıyzy myna kestemen qatynaıdy:
— Almatydan 19 sáýir saǵat 13:40–ta jóneltilip, Atyraýǵa 21 sáýirde saǵat 15:32–de keledi
— Atyraýdan 21 sáýir saǵat 23:16–da jóneltilip, Almatyǵa 24 sáýirde saǵat 03:50–de keledi.
Kýpege de, platskart vagondaryna da bılet bar.
Qabyldanyp jatqan sharalar 700-den astam jolaýshyny qosymsha tasymaldaýǵa múmkindik beredi.
Qosymsha poıyzǵa bıletterdi satý 17 sáýirde bastaldy.
Bıletterdi komıssııasyz bilet.railways.kz saıttan jáne vokzaldyń bılet kassalarynan satyp alýǵa bolady.
Jolaýshy poıyzdarynyń qozǵalys kestesi boıynsha anyqtamalyq aqparatty 1433 tegin nómirinen alýǵa bolady.