Sý tasqyny: Aqtóbeniń Oıyl aýdanynda gaz ben sý qosý jumysy júrip jatyr

<p>AQTÓBE. KAZINFORM &mdash; Jol qatynasy úzilip, ponton kórip jetkizilgen Oıyl aýdanynda qazir si mee gazdy qaıta jalǵaý jumysy júrip jatyr. Úıi jaramsyz kúıge túsken adamdar sport mektebi, lıtseı men ınternatta ornalasqan.</p>

Oıyl aýdanynda qazir shyǵyndy esepteý komıssııasy jumys istep jatyr. Tek múlik shyǵyny emes, mal shyǵyny da bar. Munda Aqtóbe oblystyq TJD bastyǵy Nurǵalı Júnisov, Aqtóbe oblysy ákiminiń orynbasary Asylbek Esenbaev júr. 

Foto: Altynaı Saǵyndyqova\Kazinform

— ⁠Oblys ákiminiń tapsyrmasymen halyqqa qajetti sharalardy uıymdastyrý jumysynda júrmiz. Birinshi kezekte — elektr qýatyn qosý. Sý tasqyny kezinde 12 aýyl jaryqsyz qaldy. Qazir 10 aýyldaǵy elektr jelisi tolyq jóndeldi. Qalǵan eki aýylǵa elektr generatorlary jetkizildi. Barlyq aýylda jaryq bar. Aýyz sý máselesiniń suraqtary sheshilip jatyr. Alǵashynda toǵyz aýylda aýyz sý bolmady. Qazir jeti aýylda bul suraq sheshildi. Qalǵan eki aýylǵa epıdemıolog mamandar ruqsat bergennen keıin qosylady, — dedi Asylbek Esenbaev.

Foto: Altynaı Saǵyndyqova\Kazinform

Onyń aıtýynsha, Oıyldaǵy evakýatsııalyq pýnktterde 153 adam bar. 

—⁠Qaratal aýylyna sý 29-naýryz kúni túste kele bastady. Bala men áıelderdiń bári aýyldaǵy mektepke ornalasty. Al er adamdar mal qamyn oılap úı mańynda júrdi. Sol kúni tún ortasynda tikushaqpen qutqarýshylar jetti. Aldymen úı tóbesinde qalǵan er adamdardy, keıin bizdi aýdan ortalyǵyna jetkizdi. Bárimizdi ornalastyrdy, jaǵdaıymyzdy jasady. Sý qaıtqanmen qazir úıimiz jaramsyz. Sondyqtan bir sheshimi shyqqansha osynda bolamyz. Oıyldyqtar eki mezgil tamaqtandyryp otyr, alǵys aıtamyz, — dedi Qaratal aýylynyń turǵyny Rına Jabasova. 

Foto: Altynaı Saǵyndyqova\Kazinform

Eske salsaq, Oıylda bıyl 24 naýryzda jergilikti deńgeıde tótenshe jaǵdaı jarııalandy.