Sý tasqyny: Aqtóbeniń Yrǵyz aýdanynda 51 otbasy baspanaly boldy
Aqtóbe oblysy Yrǵyz aýdanynyń ortalyǵynda 51 úı salynyp bitti. Búgin 51 otbasy jana úıdiń kiltin aldy.
ılerdiń bári 80 sharshy metr ári bir úıdegi qyzyl kirpishten salyndy.
— Memleket basshysynyń tapsyrmasymen Aqtóbe oblysynda sý tasqynynan zardap shekken otbasylarǵa qajetti kómek kórsetilip jatyr. Birinshi jáne qaıtalama naryqtaǵy páterlerdi satyp aldyq. Jáne de 500 turǵyn úı salyp jatyrmyz. Bul rette tabıǵı apattan japa shekkenderdi baspanamen qamtýǵa demeýshilik qoldaý jasap jatqan elimizdegi iri kompanııalarǵa, kásipkerlerge alǵysymyzdy bildiremiz. Búgin, mine, Yrǵyz aýylynan 51 úıdi sizderdiń ıgilikterińizge berip jatyrmyz. Jańa qonys ıelerin shyn júrekten quttyqtaımyn, — dedi Aqtóbe oblysy ákiminiń orynbasary Asylbek Esenbaev.
Aqtóbe oblysy ákiminiń baspasóz qyzmetiniń habarlaýynsha, aýdanda tasqynnan keıin barlyǵy 120 úı salýǵa sheshim qabyldanǵan.
16 merdiger kompanııa Yrǵyzda — 51, Nura aýylynyń Saryoba jerinde — 63, Mamyrda — 6 salýdy mindetterine alǵan.
Úılerdi salýǵa «ERG» kompanııasy demeýshilik etti. Sondaı-aq 41 yrǵyzdyq ekinshi naryqtan úı satyp alsa, 7 otbasyǵa baspanalaryn jóndeýge qarjy bólindi.
Eske salsaq, ótken aptada Qobda aýdanynda 117 úı qoldanysqa berildi.
Aqtóbe oblysynyń ákimi barlyq qurylys jumysy eki aptada aıaqtalatynyn aıtty.