Sý tasqyny: Aqtóbeniń Yrǵyz aýdanynda 13 merdiger úı salady

<p>AQTÓBE. KAZINFORM &ndash; Nura aýyly endi Saryoba jerine salynady. Qazirgi kezde 13 merdiger anyqtaldy.</p>

Yrǵyz aýdanynyń Nura aýylyna úı salý jumystary áli bastalǵan joq. Degenmen munda 13 merdiger bekitilgen.

- Yrǵyz aýdanynda úıler Saryobaǵa salynatyn boldy. Barlyǵy 76 turǵyn úı salynady. Merdigerler sany - 13. Mundaǵy turǵyndardyń keıbirine úı

Yrǵyz aýdany ortalyǵynan salynyp jatyr. Daıyn úıdi satyp alyp jatqan adamdar da bar,- dedi Aqtóbe oblysy ákiminiń baspasóz qyzmeti.

Aıta keteıik, Nura aýylynda buǵan deıin 112 úı bolsa, onyń basym bóligine sý kirdi. Sońǵy derekterge súıensek, 68 úı qulap qalǵan. Munda áli de sý tolyq qaıtpaǵan soń tehnıkalyq tekserý, baǵalaý komıssııasynyń jumysyna kedergi bolyp tur. Al turǵyndary bolsa Yrǵyz aýdanyndaǵy eki evakýatsııalyq pýnktte ornalasqan. Aýdan ákimi Nurlan Qyzbergenovtiń aıtýynsha, Yrǵyz gımnazııasy men №1 orta mektepte barlyǵy 103 adam turyp jatyr. 

Eske salsaq, Yrǵyz aýdanynyń Mamyr, Belsher, Nura aýyldarynda tasqyn kezinde úılerge sý kirip, turǵyndar evakýatsııalandy. Al Quılys aýylynyń balalary men áıelder, qart adamdar ǵana qaýipsiz jerge kóshirilip, arada eki aı ótkenge úıine oraldy. 

Qazirgi kezde munda áskerıler men tótenshe jaǵdaılar qyzmetkerleri áli de jaǵany bekitip jatyr. Oblystyq TJD baspasóz qyzmetiniń habarlaýynsha, ótken táýlikte munda 3300 qum toly qap tóseldi.