Sý tasqyny: Aqtóbeniń barlyq aýdanynda daıyn úı satyp alý jumysy aıaqtaldy

<p>AQTÓBE. KAZINFORM — Aqtóbe oblysynyń barlyq aýdanynda daıyn úı satyp alý jumysy aıaqtaldy. Bul jumys tek oblys ortalyǵy Aqtóbe qalasynda ǵana jalǵasyp jatyr.</p>

Bıyl kóktemgi sý tasqyny kezinde Aqtóbe oblysynda 4087 úı men saıajaıdaǵy baspanaǵa sý kirdi. Saldarynan 1014 úı apatty dep tanyldy. 

— Tehnıkalyq baıqaý qorytyndysy boıynsha 3073 úı turýǵa jaramdy dep tanyldy. Komıssııa sheshimimen jóndeý jumystaryn júrgizetin 3005 úı ıesine 9 mlrd teńgege jýyq qarjy bólindi. Qalǵan 1014 úı apatty dep tanyldy. Onyń 200-i Aqtóbe qalasynda, 307-i Oıyl aýdanynda, 160-y Yrǵyz aýdanynda, 155-i Qobda aýdanynda, 69-y Muǵaljar aýdanynda, 57-i Temir aýdanynda, 51-i Áıbeke bıde, 8-i Baıǵanınde, 5-i Mártókte jáne ekeýi Alǵada. Baspanasyz qalǵan 504 otbasy óz sheshimimen daıyn úı satyp alady. Qazir barlyq aýdanda úı satyp alý jumysy aıaqtaldy. Tek Aqtóbe qalasynda apatty dep tanylǵan 200 úıdiń 138-i ǵana satyp alyndy. Bul baǵytta jumys jalǵasyp jatyr, — dep habarlady Aqtóbe oblysy ákiminiń baspasóz qyzmeti. 

Aıta keteıik, Oıyl aýdanynda — 130, Muǵaljarda — 55, Temirde — 36, Yrǵyzda 35, Áıteke bıde — 25, Baıǵanınde — 8, Qobdada — 8, Mártókte — 5, Alǵa aýdanynda — 2 otbasy daıyn úıge qonystandy. 

Eske salsaq, Aqtóbe oblysy Yrǵyz aýdany Jaısańbaı aýylynda áli de sý tartylmady. Mundaǵy turǵyndar aýdan ortalyǵyna barý úshin qaıyqpen 6 shaqyrym júrip ótedi.