Sý tasqyny: Aqtóbede taǵy 100 otbasyn baspanamen qamtý maquldandy

<p>AQTÓBE. KAZINFORM &ndash; Aqtóbe oblysynyń ákimdigi 750 myń teńge, Otbasy bank 750 myń teńge bólip, sý tasqynynan zardap shekken otbasylardyń baspanaly bolýyna taǵy bir múmkindik berildi. Bul týraly oblystyq máslıhattyń kezekti on tórtinshi sessııasynda aıtyldy.&nbsp;</p>

Sý tasqyny kezinde Aqtóbe oblysy boıynsha myńnan astam úı jaramsyz bolyp qaldy. Qazirgi kezde 511 úı salynyp jatyr. Ózgesi daıyn úı satyp alady.

Sonymen birge búgin oblystyq máslıhattyń kezekti on tórtinshi sessııasynda oblys ákimdigi men Otbasy bank arasyndaǵy kelisim týraly aıtyldy. Depýtattar onyń erejesin surady.

- Sý tasqynynan zardap shekken aǵaıyndarymyzǵa oblystyq bıýdjetten 750 myń teńge, Otbasy bankinen taǵy 750 myń teńge, ekeýin qosqanda 1,5 mlrd teńge bólinip, 100 otbasyna quny 15 mln teńge turatyn úı satyp alýǵa ótinish jasaǵan edim. Oǵan qoldaý boldy. Endi sol baspanany alý erejesi bekidi me? Ádilet departamentinen tirkeýden ótti me? Sharttary týraly aqparat kerek, - dedi Aqtóbe oblystyq máslıhat depýtaty Marat Qoılybaev. 

Aqtóbede aldaǵy ýaqytta tasqyn kezinde úıi zardap shekken 100 otbasyna úı alýǵa múmkindik jasalady.

- Bir qaryz alýshyǵa eń kóp degende 15 mln teńge beriledi. Nesıeleý stavkasy – 5%. Bastapqy jarna somasy – 10%. Qaryz merzimi bank talaptaryna sáıkes bolady, - dedi Aqtóbe oblystyq Energetıka jáne TÚKSh basqarmasynyń basshysy Arysulan Aıtbaev.