Sý tasqyny: Aqtóbede buzylǵan bógetti jóndeý jumysy keler jyly da jalǵasady

<p>AQTÓBE. KAZINFORM &ndash; Sý tasqyny kezinde Aqtóbe oblysynda 15 bóget buzyldy. Qazir onyń 9-ynda jóndeý jumysy aıaqtaldy.</p>

Aqtóbe oblysynda buzylǵan 15 bógetpen qatar taǵy 7-i salynyp, nyǵaıtylyp jatyr. 

- Kóktemgi sý tasqyny kezinde oblys aýmaǵynda 15 bóget buzyldy. Búginde 9-ynda qalpyna keltirý jumysy tolyq aıaqtaldy. Al Kósem jáne Tereńsaı bógetterinde merdigerler jóndeý jumysyn júrgizip jatyr. Jóndeý keler jyly aıaqtalady. Sonymen birge taǵy 4 bógettegi jóndeý jumysy bıyl aıaqtalyp bolýy tıis. Oǵan qosymsha 7 bóget salý jumysy júrip jatyr. Jumys bıyl aıaqtalady,- dedi Aqtóbe oblystyq tabıǵı resýrstar jáne tabıǵatty paıdalanýdy retteý basqarmasynyń bólim basshysy Bekbolat Nurashev.

Onyń aıtýynsha, jóndeý jumystaryna «Demeý» qorynan 4 mlrd teńge, jerligikti bıýdjetten 3,2 mlrd teńge bólindi.

- Qara qorǵanys bógetine jáne Temir aýdanyndaǵy Kósem jáne Tereńsaı bógetterine qarjy demeýshilerden bólindi. Ár aýdanda ártúrli jobalyq-smetalyq qujat jasalǵan,- Bekbolat Nurashev.

Eske salsaq, Aqtóbe oblysy aýmaǵynda 206 gıdrotehnıkalyq qurylys bar. Onyń 174-i kommýnaldyq, 10-y respýblıkalyq jáne 22-i jeke menshik.