Sý tasqyny: Aqtóbe oblysynda 47 shaqyrym jol jóndelýi tıis

<p>AQTÓBE. KAZINFORM &ndash; Tasqyny kezinde Aqtóbe oblysynda 47 shaqyrym joldy sý shaıyp, buzyldy. Qazir oblystyq, aýdandyq mańyzy bar joldar jóndelip jatyr.</p>

Aqtóbe oblysynda sý shaıǵan joldar arasynda oblystyq mańyzy bar «Aqtóbe-Bolgarka-Shubarqudyq», «Pokrovka-Temir-Keńkııaq-Embi» jáne «Shubarqudyq-Oıyl-Qobda-Sol-Iletsk» baǵytyndaǵy joldar bar. Bul týraly Kazinform tilshisiniń saýalyna Aqtóbe oblystyq jolaýshylar kóligi jáne avtomobıl joldary basqarmasy habarlady.

«14 myńnan astam halyqty qamtıtyn Oıyl aýdanynyń Oıyl, Qaratal, Kóptoǵaı, Amangeldi, Qaıyńdy, Qaraoı, Qobdanyń Qanaı, Baıtaq, Kók úı, Ótek, Jaryq, Sarybulaq, Bestaý, Áıteke bı aýdanynyń Áıke aýyly, Muǵaljardyń Temir kópir aýyly, Temirdiń Tasqopa, Jambyl aýyldaryna kireberiste asfalt jabyndysy, kópirler zaqymdandy. Bul ýchaskelerdi jobalaýshy kompanııalar Qazaqstan jol ǵylymı zertteý ortalyǵy mamandarymen birlesip, zertteý jumystaryn júrgizdi. Nátıjesinde 47,2 shaqyrym jol jabyndysy, 23 kópir jáne 100 sý ótkizgish qubyrdy qalpyna keltirý jáne nyǵaıtý jumystarynyń aýqymy anyqtaldy. Qalpyna keltirý úshin jobalaý-smetalyq qujattamalary daıyndaldy. Bul joldardy jóndeýge oblystyq bıýdjetten 10 mlrd teńgeden astam qarjy bólindi», - dep habarlady Aqtóbe oblystyq jolaýshylar kóligi jáne avtomobıl joldary basqarmasy.

«Aqtóbe-Bolgarka-Shubarqudyq» baǵytyn jóndeý úshin shamamen 1,8 mlrd teńge jumsalady. Bul jolda 4 joba iske asyrylady. Al «Shubarqudyq-Oıyl-Qobda-Sol-Iletsk» baǵytyna 3 mlrd teńge qarastyrylǵan. Qarjynyń teń jartysy merdigerge aýdaryldy.

«Áıteke bı aýdanyna 250,2 mln, Yrǵyz aýdanyna 1,7 mlrd, Qobda aýdanyndaǵy 9 jobaǵa 1,8 mlrd teńge jumsalady. Eń kóbi Oıyl aýdanynda. Munda 11 jobaǵa 6 mlrd teńgeden astam qardy bólindi», - dep habarlady Aqtóbe oblystyq Jolaýshylar kóligi jáne avtomobıl joldary basqarmasy.

Eske salsaq, Oıyl aýdanyndaǵy kópirdi jóndeýge 4 mlrd teńge jumsalady.