Sý tasqyny: Aqtóbe qalasynda ótinish qabyldaý merzimi búgin aıaqtalady

<p>AQTÓBE. KAZINFORM &ndash; Búgin Aqtóbe qalasynda tasqyn sýdan zardap shekkenderden ótinish qabyldaý merzimi aıaqtalady. Bul materıaldyq shyǵyndy esepteýge qajetti shara.</p>

Aqtóbe qalasy boıynsha Almaty jáne Astana aýdany ákimdikteri ótinish qabyldaý jumysyn júrgizip jatyr.

- Aqtóbe qalasy boıynsha sý tasqynynan zardap shekken azamattardan materıaldyq shyǵyndy óteý boıynsha ótinishterdi qabyldaýdyń sońǵy kúni ekenin eske salamyz. Ótinishterdi komıssııa Aqtóbe qalasy boıynsha Almaty aýdany Qarǵaly tturǵyn alaby, 60 let oktıabrıa kóshesi 70 B mekenjaıynda, Astana aýdany Sáńkibaı batyr dańǵyly 145 B mekenjaıynda qabyldaıdy. Atalǵan ótinish berilgen soń arnaıy komıssııa baryp tekserip, tehnıkalyq saraptama, baǵalaý qorytyndysyn negizge ala otyryp, zańnama aıasynda zardap shekken turǵyndarǵa ótemaqy tólenedi, - dep habarlady Aqtóbe oblysy ákiminiń baspasóz qyzmeti. 

Aıta keteıik, Almaty aýdany boıynsha 3300-den astam ótinish tústi. Qazir 35 úı apatty dep tanyldy. Barlyǵy 100-den astam úı ıesi materıaldyq shyǵyndy alyp úlgergen. Al Astana aýdany boıynsha 108 ótinish túsip, 39 ótinish boıynsha materıaldyq shyǵyn óteldi.

Eske salsaq, Aqtóbe qalasynda sáýirdiń orta tusynda tótenshe jaǵdaı jarııalandy. Sebebi qala mańyndaǵy barlyq sý qoımasy lyq tolyp, sý jiberý jumysy júrgizildi.