Sý tasqyny: Aqmola, Aqtóbe, Qostanaı jáne SQO ákimderi Prezıdentke esep berdi

<p>ASTANA. KAZINFORM - Memleket basshysy Qasym-Jomart Toqaev Aqmola, Aqtóbe, Qostanaı jáne Soltústik Qazaqstan oblystarynyń ákimderimen telefon arqyly sóılesti, dep habarlaıdy Aqordanyń baspasóz qyzmeti.&nbsp;</p>

Atalǵan oblystardyń ákimderi Prezıdentke óńirlerdegi ahýal jaıynda, tabıǵı apatpen kúresý jáne sý tasqynynyń zardaptaryn joıý úshin qabyldanǵan sharalar jóninde esep berdi.

Aımaq basshylarynyń aıtýynsha, jalpy jaǵdaı jiti baqylaýda, tabıǵı apatpen kúresý úshin adam kúshi de, tehnıka da jetkilikti.

Prezıdenttiń tapsyrmasymen Respýblıkalyq shtabqa jetekshilik etetin Premer-Mınıstr Oljas Bektenov bastaǵan Úkimet músheleri sý tasqynynan zardap shekken aımaqtarǵa jiberilgen bolatyn. Azamattardyń qaýipsizdigin qamtamasyz etý, olardyń kerek-jaraǵyn sheshý baǵytynda aýqymdy jumys atqarylyp jatyr.