Sý tasqyny: 20 myńnan astam polıtseı qoǵamdyq tártipti baqylaýda

<p>ASTANA. KAZINFORM &ndash; Іshki ister organdarynyń qyzmetkerleri sý tasqynyna ushyraǵan óńirlerde táýlik boıy jumys istep jatyr. Tolyǵyraq Іshki ister mınıstrligi Ákimshilik polıtsııa komıtetiniń erekshe tapsyrmalar jónindegi aǵa ınspektory Aqtoty Boranova aıtyp berdi.&nbsp;</p>

«Іshki ister organdarynyń jeke quramy jumysty kúsheıtilgen rejımde jalǵastyrýda. Jedel shtabtar táýlik boıy jumys istep tur. Kún saıyn 20 myńnan astam qyzmetker qoǵamdyq tártipti qamtamasyz etedi. Sonymen qatar Polıtsııa qyzmetkerleri men Ulttyq ulannyń áskerı qyzmetshileri birlesken avarııalyq-qutqarý operatsııalaryna qatysýda. Oǵan 4 myńnan astam polıtseı men áskerı qyzmetshiler, vedomstvolyq akademııalardyń kýrsanttary tartyldy», - dedi Aqtoty Boranova OQK-de ótken brıfıngide. 

ІІM ókiliniń málimdeýinshe, sý basqan aımaqtarda Polıtsııa vedomstvosynyń 700-ge jýyq tehnıkasy jumyldyrylǵan. Bul patrýldik avtokólikter, qyzmettik avtobýstar, kamazdar, 2 tikushaq jáne 2 ushaq bar. 

«Tártip saqshylarynyń kómegimen 10 myń metrden astam aryq tazartyldy. Sý aǵynyn bógeý úshin 144 myńnan astam qum salynǵan qap tóseldi. Sý tasqyny bastalǵaly 12,6 myń adam evakýatsııalandy, onyń ishinde 300-ge jýyq adam tikushaqpen qutqaryldy. Qazir polıtsııanyń qorǵaýynda 9 135 turǵyn úı jáne basqa da nysandar bar, tonaýǵa jol berilmeıdi», - deıdi ol.