Sý tasqyny: 12 respýblıkalyq jolda kólikter qozǵalysy shekteldi
14:40, 18 Sáýir 2024
<p>ASTANA. KAZINFORM – Tasqyn sýdyń saldarynan halyqaralyq jáne respýblıkalyq avtojoldardy sý basýda. Sý basqan joldar týraly «QazAvtoJol» ulttyq kompanııasynyń baspasóz hatshysy Sáken Dildahmet aıtyp berdi.</p>
«2024 jylǵy 18 sáýirdegi saǵat 14:00 jaǵdaı boıynsha halyqaralyq jáne respýblıkalyq mańyzy bar avtomobıl joldarynda aýa-raıynyń jylynýy men qardyń tez erýi saldarynan 3 oblystaǵy (Aqmola, Qostanaı, SQO) 8 jol júrý ýchaskesin 6725 metr sý basty. Sonymen qatar 5 oblystaǵy (Aqmola, Aqtóbe, Atyraý, Qostanaı, SQO) respýblıkalyq mańyzy bar 12 avtomobıl jolynda (uzyndyǵy 720 shaqyrym) kóliktiń barlyq túriniń qozǵalysyna shekteý qoıyldy», - dedi Sáken Dildahmet Ortalyq kommýnıkatsııalar qyzmeti alańynda ótken baspasóz máslıhatynda.
«QazAvtoJol» ulttyq kompanııasynyń málimetinshe, qazirgi ýaqytta respýblıkalyq joldarda 1945 adam jáne 794 birlik tehnıka sý tasqynynyń aldyn alý jumystaryn atqarýda.