Sý tasqyny: 12 myńnan astam otbasy memlekettik qoldaýǵa ıe boldy

<p>ASTANA. KAZINFORM &ndash;&nbsp;<strong>Sý tasqynynan keıin 12 myńnan astam qazaqstandyq otbasy memlekettik qoldaýǵa ıe boldy</strong><strong>, dep habarlady Úkimettiń baspasóz qyzmeti.</strong></p>

Qazaqstanda aýqymdy sý tasqynynan zardap shekken azamattarǵa keltirilgen zalaldy óteý protsesi jalǵasyp jatyr.

Úkimet atalǵan jumysty Memleket basshysy Qasym-Jomart Toqaevtyń tapsyrmasy boıynsha atqaryp jatyr. Atyraý, Batys Qazaqstan, Qostanaı, Soltústik Qazaqstan jáne respýblıkanyń basqa da birqatar oblysynyń turǵyndaryarnaıy qurylǵan óńirlik komıssııalarǵa tıisti ótinishterin berip jatyr. Búgingi tańda 21 658 ótinim qabyldandy. Bıylǵy 26 sáýirdegi jaǵdaı boıynsha 12 642 otbasy 100 AEK mólsherinde 4,5 mlrd-tan astam teńge kóleminde birjolǵy tólem aldy. Shyǵyn bolǵan mal basy úshin beriletin tólem kólemi 211,5 mln teńgege jetti.

Foto: Úkimettiń baspasóz qyzmeti

Búgingi tańda zardap shekken óńirlerde 3871 turǵyn úı tekserilip, 2230 nysanda baǵalaý jumystary júrgizildi. 468 úıde jóndeý jumystaryn júrgizýge 645 mln-nan astam teńge qarajat bólindi.

Aqmola, Qostanaı jáne Pavlodar oblystarynda 49 otbasyǵa qıraǵan baspanalarynyń ornyna úıler men páterler berildi.  Shyǵyndy óteý jumystary jalǵasyp jatyr jáne Úkimettiń qatań baqylaýyna alynǵan. Prezıdent tapsyrmasy boıynsha barlyq zardap shekken azamattarǵa jan-jaqty kómek pen qoldaý kórsetiledi.