Sý tasyp jatqan 6 oblystyń muǵalimderi attestatsııadan keıin ótedi

<p>ASTANA. KAZINFORM — 6 oblystyń muǵalimderin attestattaýdan ótkizý keıinge shegerildi. Bul týraly Oqý-aǵartý mınıstrliginiń resmı ókili Mereke Amangeldiqyzy aıtty.</p>

«Pedagogterdi qoldaý maqsatynda Atyraý, Aqmola, Aqtóbe, Batys Qazaqstan, Soltústik Qazaqstan jáne Qostanaı oblystarynyń muǵalimderin attestattaýdan ótkizý merzimin keıinge qaldyrý jóninde sheshim qabyldandy. Elimizdiń 42 mektebinde Bilim alýshylardyń jetistikterin baǵalaý monıtorıngi júrgizilmeıtin boldy. Aqtóbe jáne Atyraý oblystarynyń barlyq bilim alýshylary úshin BJB men TJB ótkizilmeıdi», — dedi ol Ortalyq kommýnıkatsııalar qyzmetindegi brıfıngte.

Resmı ókildiń atap ótýinshe, árbir jaǵdaı boıynsha sheshim jergilikti atqarýshy organdarmen Oqý-aǵartý mınıstrliginiń hattamasy negizinde qabyldanady.

«Jańa oqý jylynda barlyq pedagog pen mektepterdiń oqý protsesine daıyn bolýy úshin mınıstrlik tótenshe jaǵdaı rejımi alynyp tastalǵannan keıin ýákiletti organdarmen birlesip, sý tasqynynan zardap shekken pedagogterdiń tizimin jasaıdy», — dedi Mereke Amangeldiqyzy.