Sý sportynan Edýard Kım men Nargıza Bolatova úzdikter qatarynan kórindi
16:16, 10 Aqpan 2024
<p>ASTANA. KAZINFORM – Qatar astanasy Dohada ótip jatqan sý sporty túrlerinen álem chempıonatynda Edýard Kım men Nargıza Bolatova erkin baǵdarlamada úzdik bestikke endi. </p>
QR Týrızm jáne sport mınıstrligi Sportty damytý dırektsııasynyń baspasóz qyzmeti málim etkendeı, ulttyq qurama sportshylary kórkem júzýdiń aralas juptyq synnyń fınalynda, 170.6875 ball aldy.
Tańdaýly 12 dýet synǵa túsken saıysta Qytaı quramasy (Ventao Chen men Haoıýı Shı) jeńiske jetti. Kúmis Ispanııa, qola medal Meksıka atletterine buıyrdy.
Keshegi irikteýde Ulttyq qurama 7-orynǵa taban tirep, búgingi aqtyq básekege joldama alǵan.
Aıta keteıik, birneshe kún buryn osy jattyǵýdyń (dýet mıkst) tehnıkalyq baǵdarlamasynda Edýard pen Nargıza top jaryp, Qazaqstanǵa alǵashqy altyn júldeni syılaǵan.
Jalpy sý sporty túrlerinen álem chempıonaty 18 aqpanda máresine jetedi. Qazir Qazaqstan komandalyq esepte 1 altynmen 10-orynda tur.