Sý sportynan Azııa chempıonatynda qurama qorjyny taǵy 4 medalmen tolyqty

<p>ASTANA. KAZINFORM &ndash; Fılıppın eliniń Nıý-Klark-Sıtı qalasynda sý sporty túrlerinen ótip jatqan XI Azııa chempıonatynyń úshinshi jarys kúni bastaldy.&nbsp;</p>

Atalǵan dodada búgin 1 metrlik tuǵyrdan sýǵa sekirýden jekeleı saıystar ótti. Bul synda uldar arasynda Nazar Qojanov kúmis medal jeńip alsa, qyzdar arasyndaǵy básekede Dıana Jumaǵulova qola júldege qol jetkizdi.

Tuǵyrdan sýǵa sekirýden bas júldeni erler arasynda Japonııa sportshysy jeńip alsa, úshinshi orynǵa kýveıttik atlet turaqtady. Qyzdar arasynda Malaızııa sportshysy jeńimpaz atansa, ekinshi orynǵa vetnamdyq ıe boldy.

Sonymen qatar búgin áıelder arasynda A tobynda 400 metrge erkin ádispen júzýden qazaqstandyq Dıana Tasjanova 4:17.57 ýaqyt kórsetkishimen kúmis júldege qol jetkizdi. Bul synda jergilikti sportshy 4:17.00 ýaqyt kórsetkishimen chempıon boldy. Qola medal Vetnam (4:22.90) sportshysyna buıyrdy. 

Al V tobynda 200 metrge erkin ádispen júzýden jerlesimiz Sofııa Abýbakırova qola medalǵa ıe boldy. Bul qashyqtyqta bas júldeni Gonkong sportshysy, kúmisti vetnamdyq sportshy mise tutty. 

Esterińizge sala keteıik, keshe jerlesterimiz bir kúnde 8 altyn, 2 kúmis medal jeńip alǵan bolatyn.