Sý sportynan Azııa chempıonaty: Alǵashqy kúni sportshylarymyz 11 júlde jeńip aldy

<p>ASTANA. KAZINFORM &ndash; Fılıppın eliniń Nıý-Klark-Sıtı qalasynda sý sporty túrlerinen ótip jatqan XI Azııa chempıonatynyń alǵashqy kúni jalpy qazaqstandyq sportshylar 11 medal jeńip aldy.</p>

Sportty damytý dırektsııasynyń baspasóz qyzmeti málim etkendeı, Sary qurlyqtyń básekesinde 3 jas ereksheligi boıynsha júldeler sarapqa salynady: A toby (18 jastan jáne joǵary), V toby (15-17 jas), S toby (14 jas jáne kishi).

Keshe birinshi jarys kúninde júzý jáne sýǵa sekirý saıystary boıynsha jeńimpazdar anyqtaldy.

Otandyq sportshylardyń nátıjeleri:

Júzý, A toby:
Adelaıda Pchelıntseva, 100 metrge brass ádisimen júzý — altyn
Ksenııa Ignatova, 50 metrge shalqalaı júzý - altyn
Dıana Tasjanova, 200 metrge erkin ádispen júzý - kúmis, 800 metrge erkin júzý — qola
Áıelder quramasy (Adelaıda Pchelıntseva, Dıana Tasjanova, Ksenııa Ignatova, Sofıa Spodarenko), estafeta 4h100 metrge erkin ádispen júzý — kúmis

Júzý, V toby:
Egor Popov, 50 metrge shalqalaı júzý — altyn
Arsen Qojahmetov, 100 m brass - kúmis
Sofııa Abýbakırova, 200 m keshendi júzý - kúmis, 50 m shalqalaı júzý - qola
Erler quramasy (Egor Popov, Egor Vasılenko, Alekseı Krýchenko, Danıl Cherepanov), estafeta 4h100 metrge erkin ádispen júzý — kúmis

Sýǵa sekirý, A toby:
Dıana Jumaǵulova/Anabella Kochkına, 3 metrlik tuǵyrdan sınhrondy sekirý — kúmis
Júzý jarysy 29 aqpanda, sýǵa sekirý saıysy 1 naýryz kúni aıaqtalady. 2-6 naýryz aralyǵynda kórkem júzý, 3-9 naýryz aralyǵynda sý dobynan júldeler sarapqa salynady.
Jarysqa 45 memleketten 12-18 jas aralyǵyndaǵy jas sportshylar men eresekter qatysyp jatyr.

Azııa chempıonaty 26 aqpan men 9 naýryz aralyǵynda ótedi.