Sý sporty túrlerinen Azııa chempıonaty: Qazaqstan quramasy úshinshi altynyn jeńip aldy

<p>ASTANA. KAZINFORM &ndash; Fılıppın eliniń Nıý-Klark-Sıtı qalasynda sý sporty túrlerinen ótip jatqan XI Azııa chempıonatynda Qazaqstan quramasy úshinshi altyn medalin jeńip aldy.</p>

Úshinshi altyndy 50 metrge shalqalaı júzýden 15-17 jas aralyǵyndaǵy sanatta (V toby) otandasymyz Egor Popov jeńip aldy. Ol atalǵan qashyqtyqty 26.15 sekýndta júzip ótip, Azııa chempıony atandy.

Sonymen qatar, el qorjynyna taǵy eki kúmis, bir qola medal tústi.

Atap aıtsaq, otandasymyz Dıana Tasjanova eresekter arasynda 800 metrge erkin ádispen júzýde qola medal jeńip aldy (8:58.86). Bul - Dıanadan osy birinshiliktegi ekinshi júldesi. Ol osyǵan deıin 200 metrge erkin ádispen júzýde kúmis júldeni qanjyǵasyna baılaǵan bolatyn.

Sondaı-aq, Qazaqstan erler quramasy men áıelder quramasy estafetada (4×100 m) kúmis medal jeńip aldy.

Erler arasyndaǵy komanda quramynda Egor Popov, Egor Vasılenko, Alekseı Krýchenko, Danıl Cherepanov óner kórsetti.

V toby. Erler. Estafeta 4×100 m

1-oryn - Japonııa- 3:25.32
2-oryn - Qazaqstan - 3:26.08
3-oryn - Taıpeı - 3:28.97

Al júzýden Qazaqstan áıelder quramasy sapynda Adelaıda Pchelıntseva, Dıana Tasjanova, Ksenııa Ignatova, Sofıa Spodarenko bar.

A toby. Áıelder. Estafeta 4×100 m

1-oryn - Taıland- 3:52.37
2-oryn - Qazaqstan - 3:55.85
3-oryn - Gonkong - 3:58.59.

Aıta keteıik, osyǵan deıin atalǵan Saryqurlyq básekesinde sportshylarymyz ekinshi altynyn jeńip alǵanyn jazǵan bolatynbyz.