Sý sporty túrlerinen álem chempıonatynda el namysyn kimder qorǵaıdy

<p>ASTANA. KAZINFORM &ndash; 11-18 aqpan kúnderi aralyǵynda Qatar astanasy Dohada sý sporty túrlerinen kezekti álem chempıonatynyń alaýy tutanady.</p>

QR Sport komıteti málim etkendeı, atalǵan álemdik dodada Qazaqstan quramasy da synǵa túsedi.

Atap aıtsaq, atalǵan synda Ádilbek Mýsın, Sofıa Spodarenko, Adelaıda Pchelıntseva, Ksenııa Ignatova, Maksım Skazobtsov, Arsen Qojahmetov, Egor Popov, Dıana Tasjanova bastaǵan 8 sportshymyz el namysyn qorǵaıdy.

Aıtýly básekede 190 memleketten 966 sportshy baq synaıdy dep josparlanǵan.

Dohada ótetin bul birinshilikte Parıj Olımpıadasynyń lıtsenzııasy sarapqa salynady.

Sportshylarymyz joldamaǵa ıelik etý úshin normatıvti ýaqyt kórsetkishin oryndaýy tıis.