Sý salasyn damytýdyń úsh jyldyq keshendi jospary ázirlenedi
15:30, 20 Qazan 2022
ASTANA. QazAqparat - Sý salasyn damytýdyń úsh jyldyq keshendi jospary ázirlenedi. Bul týraly QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilshisi.
«Qazir eki negizgi baǵyt aıqyndalǵan Qazaqstan Respýblıkasynyń Sý resýrstaryn basqarý júıesin damytýdyń 2023-2027 jyldarǵa arnalǵan tujyrymdamasynyń jobasyn ázirlep jatyrmyz. Birinshisi - sýdy basqarý júıesin jetildirý, ekinshisi – turaqty damý úshin sýǵa degen suranysty basqarý», - dedi mınıstr Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, tujyrymdamanyń negizgi maqsaty - eldiń sý resýrstaryn saqtaý jáne utymdy paıdalaný, ekonomıka salalary men qorshaǵan orta qajettilikteriniń teńgerimin qamtamasyz etý problemalaryn sheshý.
«Tujyrymdamaǵa sondaı-aq Memleket basshysynyń bıylǵy 1 qyrkúıektegi Joldaýynyń qorytyndysy boıynsha biz ázirleıtin Sý salasyn damytýdyń úsh jyldyq keshendi jospary engiziletin bolady. Ol birinshi kezekte iske asyrýdy talap etetin is-sharalardy qamtıdy. Keshendi jospardyń jobasy jaqyn arada Sý keńesiniń otyrysynda qaralatyn bolady», - dedi Serikqalı Brekeshev.
Foto: grander.com