Sý salasynda 56 mlrd teńge tıimsiz josparlanǵan – Joǵary aýdıtorlyq palata

<p>Májiliste sý resýrstarynyń basqarylý tıimdiligine júrgizilgen aýdıtorlyq is-sharalardyń qorytyndysyn tanystyrǵan Joǵary aýdıtorlyq palatanyń tóraıymy Natalıa Godýnova sý salasyndaǵy qarjylyq zań buzý faktilerine toqtaldy, dep habarlaıdy Kazinform.</p>

«2022 jyldyń aýdıti ońtústik óńirde sý únemdeý tehnologııalary 68 myń gektarǵa ǵana nemese sýarylatyn alqaptyń 5 paıyzy ǵana engizilgenin anyqtady. Sonyń ózi bir jylda 200 mln tekshe metr sý únemdeýge múmkindik bergen», - dedi ol.

Natalıa Godýnova Aýyl sharýashyly mınıstrligi men Ekologııa mınıstrliginiń quramyndaǵy Sý resýrstary komıtetiniń jáne «Qazsýshar» mekemesiniń júrgizgen aýdıtteri aıasynda 68 mlrd teńge bıýdjet aqshasy men 693 mlrd teńgeniń aktıvi qamtylǵanyn aıtady.

«Osy aýdıt barysynda 3 mlrd 300 mln teńgeniń qarjylyq zań buzý faktileri anyqtaldy. Bıýdjet pen qaryzdan tartylǵan 56 mlrd teńge tıimsiz josparlanyp, tıimsiz ıgerilgen. Sondaı-aq ekonomıkaǵa 2,5 mlrd teńgege ysyrap kelgen. Búgingi tańda bıýdjetke sonyń 51 paıyzy, ıaǵnı, 1 mlrd 700 mln teńgesi qaıtaryldy. Ákimshilik aıyppuldar salyndy. Quqyq qorǵaý organdaryna 4 materıal joldandy. Onyń bireýi boıynsha 5 jylǵa bas bostandyǵynan aıyrý týraly bir sot úkimi shyǵaryldy», - dedi Joǵary aýdıtorlyq palata tóraıymy.