Sý resýrstarynyń aqparattyq-taldaý ortalyǵy qurylady – Nurjan Nurjigitov

<p>ASTANA. KAZINORM &ndash; Sý resýstarynyń ınteraktıvti geoaqparattyq platformasy ázirlenip jatyr. Bul týraly búgin Úkimet otyrysynda Sý resýrstary jáne ırrıgatsııa mınıstri Nurjan Nurjigitov aıtty.&nbsp;</p>

«Memleket basshysy sý resýrstary boıynsha sapaly taldaý men boljam jasaýǵa baǵyttalǵan jáne tekserilgen sý saıasatyn qurýdy atap ótti. Eldiń sý-resýrstyq áleýetin esepke alý jáne boljaý júıesin damytý, sý resýrstaryn basqarý men josparlaýdyń aqparattyq júıelerin jetildirý maqsatynda Tujyrymdamada Sý resýrstary jáne ırrıgatsııa mınıstrligi janynan Sý resýrstarynyń aqparattyq-taldaý ortalyǵyn qurý kózdeledi», - dedi ol.

Mınıstrdiń paıymynsha, sý salasyn tsıfrlandyrý – shuǵyl sharalardy talap etetin óte mańyzdy másele.

«Mınıstrlik tsıfrlandyrý baǵyty boıynsha «Qazaqstan ǵarysh sapary» Ulttyq kompanııasymen birlesip, sý resýstarynyń ınteraktıvti geoaqparattyq platformasyn ázirlep jatyr. Bul óz retinde birynǵaı sý kadastry boıynsha sý nysandarynyń derekteri, gıdrotehnıkalyq ǵımarattar, sý basseıindik ýchaskiler, gıdroposttar, ǵaryshtyq monıtorıng júrgizýge, elektrondyq formattaǵy pasportyn kórýge múmkindik beredi jáne sý sharýashylyǵy sýbektileriniń esebi avtomattańdyrylady. Bul aqparattyq júıe 2024 jyldyń 3 toqsanynda óndiristik paıdalanýǵa beriledi. Sonymen qatar tujyrymdamada 3,5 myń shaqyrymnan astam kanaldardy tsıfrlandyrý jáne sýarý júıeleriniń sý esebin avtomattandyrý josparlanǵanyn atap ótý mańyzdy», - dedi Nurjan Nurjigitov.