Sý resýrstary jáne ırrıgatsııa mınıstrliginiń apparat basshysy taǵaıyndaldy

<p>Dáýren Qazantaev<strong> </strong>Sý resýrstary jáne ırrıgatsııa mınıstrliginiń apparat basshysy laýazymyna taǵaıyndaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi Úkimettiń baspasóz qyzmetine silteme jasap.<strong></strong>&nbsp;</p>

«Dáýren Qazantaev Ǵanıbekuly Qazaqstan Respýblıkasy Sý resýrstary jáne ırrıgatsııa mınıstrliginiń Apparat basshysy laýazymyna taǵaıyndaldy», - dep jazylǵan qujatta.

Dáýren Qazantaev 1984 jyly Qyzylorda qalasynda dúnıege kelgen.

2005 jyly T. Rysqulov atyndaǵy Qazaq ekonomıkalyq ýnıversıtetin bitirdi. Prezıdenttik jastar kadr rezerviniń múshesi.

Eńbek jolyn 2005 jyly jeke qurylymdarda ınvestıtsııa jáne korporatıvtik bıznes boıynsha taldaýshy bolyp bastaǵan.

2007-2010 jyldary – QR Ekonomıka jáne bıýdjettik josparlaý mınıstrligi qurylymynda jetekshi mamannyń mindetin atqarýshy, sarapshy.

2010-2016 jyldary Jambyl jáne Pavlodar oblystary ákimdikteriniń qurylymdarynda qyzmet etken.

2016-2020 jyldary – QR energetıka mınıstriniń keńesshisi.

2020 jyldan bastap osy ýaqytqa deıin Astana qalasy Tabıǵatty qorǵaý departamentiniń basshysy qyzmetin atqardy.