Sý resýrstary mınıstrligi 2024-2026 jyldarǵa arnalǵan sý únemdeýdiń jol kartasyn ázirledi
Mınıstrliktiń baspasóz qyzmeti taratqan aqparat boıynsha, búgingi tańda qujat Úkimetpen kelisilip jatyr.
Jol kartasy sý salasyn tsıfrlandyrý, aýyl sharýashylyǵy salasynyń ókilderi úshin memlekettik qoldaý sharalaryn jetildirý, zamanaýı sý únemdeý tehnologııalaryn engizý jáne neǵurlym únemdi aýyl sharýashylyǵy daqyldaryna kóshý jónindegi is-sharalardy kózdeıdi.
Sondaı-aq kásiporyndarda sýdy qaıta paıdalanýdy engizý, kommýnaldyq sýmen jabdyqtaýdy esepke alý júıelerimen tolyq qamtý, iri eldi mekenderde tazartylǵan sarqyndy sýlardy qaıta paıdalaný, sý shyǵynyn azaıtý jónindegi is-sharalar jáne sý resýrstaryn tutyný mádenıetin engizý qarastyryldy.
«Qujat elimizdiń sý salasynyń barlyq baǵyttaryn qamtıdy. Sýdy tek kásiporyndar men sharýalar ǵana emes, barlyq qazaqstandyqtar únemdeýi tıis. Sondyqtan jol kartasyna halyq arasynda sýǵa uqypty qaraý mádenıetin nasıhattaý boıynsha da is-sharalar engizildi», - dedi Sý resýrstary jáne ırrıgatsııa mınıstri Nurjan Nurjigitov.