Sý mınıstrligi: Bıyl da Qyrǵyzstannan keletin sýdan tapshylyq týyndaýy múmkin
«Sýarmaly eginshilikke arnalǵan barlyq sý alýdyń 11,1 tekshe shaqyrymy Almaty, Jetisý, Jambyl, Túrkistan, Qyzylorda oblystaryna tıesili. Sýarý alańy – 1 mln 250 myń gektar. Bul sýarýǵa arnalǵan barlyq sý alýdyń 97 paıyzyna teń. El boıynsha aıtsaq, barlyq sýarmaly alqaptyń 78 paıyzy osy bes oblysta. Egin sýarýǵa ketetin sýdyń negizgi shyǵyny da osy óńirlerge tán», - dedi ol Májilistiń Agrarlyq máseleler jónindegi komıtetiniń otyrysynda.
Vıtse-mınıstr jaz kezinde Almaty, Jetisý, Jambyl oblystarynda aıtarlyqtaı sý tapshylyǵy bolmaýy kerek dep otyr. Al Túrkistan jáne Qyzylorda oblystarynda kórshi elderdegi qýańshylyq saldarynan másele týyndaýy múmkin.
«Qyrǵyzstannyń Toqtaǵul qoımasyndaǵy sý kólemi byltyrǵydan 300 mln tekshe metr az. Al Ándijanda sý kólemi byltyrǵydan sál joǵary. Al Shyrshyq basseınindegi sý kólemi byltyrǵydan 100 mln tekshe metrge az. Sýdyń kelý kólemi az bolýy da sodan. Bıyl osy sýdyń az bolýyna baılanysty problemalar bolý múmkin. Osyǵan baılanysty ákimdikterge Túrkistan oblysynyń Maqtaaral jáne Jetisaı aýdandaryndaǵy «Dostyq» kanalynyń ilingen alańdarynda kúrish egýdi alyp tastaý, Qyzylorda oblysynda kúrish egisin qysqartý usynylady», - dedi Arsen Jaqanbaev.