Sý mınıstri ózine berilgen qatań sógis týraly pikir bildirdi

<p>ASTANA. KAZINFORM &ndash; Sý resýrstary jáne ırrıgatsııa mınıstri Nurjan Nurjigitov ózine tasqynǵa qarsy daıyndyqty qajetti deńgeıde uıymdastyrmaǵany úshin berilgen qatań sógis týraly pikir bildirdi.</p>

«Bizdiń elde memorgandardyń jaýapsyzdyǵynan bolǵan keleńsizdikter úshin sheneýnikterdiń kináni moınyna alatyn tájirıbesi joq. Bálkim siz birinshi bolyp tasqynǵa baılanysty aıybyńyzdy moıyndaıtyn shyǵarsyz?» - dep surady jýrnalıst.

Mınıstr bul suraqqa qazir kinálini izdeýden buryn jaǵdaıda retke keltirý áldeqaıda mańyzdy ekenin aıtyp jaýap berdi. 

«Maǵan qatań sógis berdi. Endi qazirgiden de shyǵyny kóp sharalarǵa jol bermeý kerek bolyp otyr. Jergilikti memlekettik organdarmen, Tótenshe jaǵdaılar mınıstrligimen birge sharalar qabyldaýymyz kerek. Qazir búkil memorgandar jumys istep jatyr. Sol jumystardyń qorytyndysy boıynsha, sharalar qabyldanatyn shyǵar. Taǵy da aıtqym keledi, sheshim tasqyn ahýalynyń aldyn alý baǵytyndaǵy áreketterdiń qorytyndysy boıynsha qabyldanady», - dedi Nurjan Nurjigitov.