Sý dobynan sportshylarymyz qola medal úshin qytaı quramasymen synǵa túsedi

<p>ASTANA. KAZINFORM &ndash; Fılıppın eliniń Nıý-Klark-Sıtı qalasynda ótip jatqan sý sporty túrlerinen ár túrli jas sanatyndaǵy XI Azııa chempıonatynda sý dobynan synǵa túsip jatqan Qazaqstan uldar quramasy jartylaı fınalda Japonııaǵa ese jiberdi.</p>

Endi 9 naýryz kúni jigitterimiz qola júlde úshin oıynda Qytaı quramasyna qarsy synǵa túsedi. Al fınalda Japonııa men Iran bas júldeni sarapqa salady.

Sý doby. Uldar. 1/2 fınal

Qazaqstan - Japonııa 10:20 (1:4, 2:4, 2:1, 5:11)

Goldar:

Egor Beloýsov, Kırıll Panteleev - 3

Nurdáýlet Súleıman, Ál-Farabı Qubaıdolla, Nurasyl Sátbergen, Dáýren Álı – 1.

Esterińizge sala keteıik, bugin atalǵan sport túrinen qyzdar quramasy qytaılyq qarsylastaryna 9:14 esebimen jeńilip qalǵanyn jazǵan edik. Endi arýlarymyz erteń 9 naýryz kúni Taıland quramasymen sheberlik baıqasady.

Aıta keteıik, atalǵan Saryqurlyq dodasyna 45 memleketten 12-18 jas aralyǵyndaǵy jas sportshylar men eresekter qatysyp jatyr. 

26 aqpan kúni bastalǵan Azııa chempıonaty 9 naýryz kúni máresine jetedi.