Sý basýy múmkin joldarda kezekshi brıgadalar jiti baqylap otyr – mınıstr

NUR-SULTAN. QazAqparat – QR Indýstrııa jáne ınfraqurylymdyq damý mınıstri Qaıyrbek Óskenbaev respýblıkalyq mańyzy bar joldardy sý shaıý máselesine qatysty túsinik berdi, dep habarlaıdy QazAqparat tilshisi.

«Joldardy sý basý máselesi jiti baqylaýda. Sonyń biri Aqtóbe oblysynda boldy. Biraq sý shaıǵan tasjol jóndelip jatqan bolatyn. ıAǵnı, qoldanystaǵy jol emes. Jalpy jol salý men jóndeýde merdiger kompanııa 5 jylǵa kepildik beredi. Aqtóbeden bólek, basqa óńirler boıynsha jol boıyn sý shaıýdyń 19 jaǵdaıy tirkeldi. Búginde búkil jaǵdaı baqylaýda. Men respýblıkalyq mańyzy bar joldar týraly aıtyp otyrmyn», - dedi Qaıyrbek Óskenbaev ortalyq kommýnıkatsııalar qyzmeti alańynda ótken baspasóz máslıhatynda.

Mınıstrdiń aıtýynsha, sý tasqyny qaýpine baılanysty respýblıkalyq mańyzy bar tasjoldarda arnaıy brıgadalar máseleni baqylaýda ustap otyr.

«Sý basý qaýpi bar degen joldar boıynda kezekshi brıgadalar tótenshe jaǵdaıǵa daıyn otyr. Tótenshe jaǵdaı nemese tabıǵı apat kútpegen jerden bolady. Sondyqtan aldyn ala naqty bir boljam aıtý múmkin emes», - deıdi ol.

Buǵan deıin Q. Óskenbaev óńdeý ónerkásibi salasynda júzege asyrylatyn ındýstrııalyq jobalardyń pýly jasaqtalǵanyn aıtqan edi.

Sondaı-aq, atalǵan vedomstvo basshysy elimizdegi turǵyn úı baǵasyna qatysty oıyn ortaǵa saldy.