Sý basqan úılerdegi dúnıe-múlik ótele me – mınıstr jaýaby

<p>ASTANA. KAZINFORM &ndash; Úıin sý basqan turǵyndardyń dúnıe-múlki, jıhaz, basqa da zattar qalaı óteledi?&nbsp; Bul saýalǵa Ónerkásip jáne qurylys mınıstri Qanat Sharlapaev jaýap berdi.</p>

«Aqtóbe oblysynyń Qobda aýylynda qurylys jumystary bastaldy. Onda ınfraqurylym tartylyp, 87 úı salyna bastady. Múmkin keńeıetin shyǵarmyz, óıtkeni zardap shekken úıler kópteý», - dedi Qanat Sharlapaev Úkimet otyrysynan keıin ótken baspasóz máslıhatynda.

Mınıstrdiń aıtýynsha, qurylys jumystarynyń qarqyny sý tasqynynyń deńgeıine baılanysty.

«Eń qajetti, keıbir zattardy satyp alamyz. Sý tasqyny seıilgen aımaqtarda turǵyn úı salý úshin jer ýchaskelerin qarastyramyz. Aqtóbe oblysy boıynsha 43% jer ýchaskesi naqtylanyp, daıyndaldy. Qostanaı oblysynda da biraz jer ýchaskesi daıyn, ınfraqurylymmen shamamen 100% qamtylǵan. Bul jumystardy jergilikti ákimdikter júrgizýde, eń bastysy úıler salynǵan jer ýchaskelerin qaıta sýǵa ketpeýi jaǵyn oılastyrýymyz kerek», - deıdi ol.

Buǵan deıin mınıstr isine jaýapty jáne zańǵa qatań baǵynatyn qurylys kompanııalaryna qoıylatyn talaptardyń jeńildeıtinin aıtqan edi. 

Sondaı-aq, Q.Sharlapaev mamyrda jańa ıpotekalyq turǵyn úı baǵdarlamasynyń iske qosylatynyn málimdedi. 

Odan bólek, atalǵan vedomstvo basshysy úıin sý basqan turǵyndardyń shyǵyny qalaı óteletinin túsindirdi.