Sý basqan úsh óńirde sibir jarasy kómindileri zertteldi

<p>ASTANA. KAZINFORM &ndash; Aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń bas sarapshysy Erlan Tasbolatov sibir jarasy kómindilerin zertteý jumysy týraly aıtyp berdi.</p>

«Elimizdiń sý basqan 3 oblysynda sibir jarasy kómilgen 10 oryn bar. Barlyq ýchaskeden topyraq synamalaryn alý úshin veterınarııa jáne medıtsına mamandarynan turatyn arnaıy jumys toptary jiberildi. Árbir synama boıynsha respýblıkalyq veterınarııalyq zerthanada jáne Ulttyq veterınarııalyq referenttik ortalyqta PTR jáne bakterıologııalyq zertteýler júrgizildi», - dedi Erlan Tasbolatov OKQ-de ótken brıfıngide. 

Sarapshynyń málimdeýinshe, zerthanalyq saraptama qorytyndysy boıynsha sibir jarasynyń bolýy anyqtalmady. 

«Jer betine sibir jarasynyń sporalarynyń shyǵýy bolǵan joq, epızootııalyq jaǵdaı turaqty. Sondaı-aq, barlyq óńirlerde sibir jarasy, qarasan, aýsyl jáne basqa da asa qaýipti aýrýlarǵa qarsy josparly egý jumystary belsendi júrgizilip jatyr» - deıdi maman. 

Elimizde sý tasqyny saldarynan 6,8 myń bas mal qyrylǵany belgili boldy. Respýblıkalyq shtab qyrylǵan maldardyń qunyn óteý algorıtmin bekitti.