Sý basqan óńirlerge Starlink ınternet termınaldary jiberildi – mınıstrlik

<p>ASTANA. KAZINFORM &ndash; Tsıfrlyq damý, ınnovatsııalar jáne aeroǵarysh ónerkásibi mınıstrliginiń resmı ókili Albına Átenniń aıtýynsha sý tasqynyna ushyraǵan óńirlerde Starlink ınternetimen aldymen mektepter qamtylyp jatyr.</p>

«Tsıfrlyq damý mınıstrliginen Qostanaı oblysyna 30 Starlink termınaly, Aqtóbe oblysyna 3 termınal, BQO 2 termınal, Ulytaý oblysyna 1 jınaq, Atyraý oblysyna 6 termınal, Shyǵys Qazaqstan oblysyna 2 termınal jáne Soltústik Qazaqstan oblysyna 3 termınal jiberildi. Starlink ınternet termınaly bilim berýdi qamtamasyz etý úshin eń aldymen aımaqtaǵy mektepterde ornatylyp jatyr. Tótenshe jaǵdaılarǵa baılanysty ákimdikterden suranys tússe, bizdiń mınıstrlik qosymsha termınaldar jiberýge daıyn», - dedi Albına Áten Ortalyq kommýnıkatsııalar qyzmeti alańynda ótken baspasóz máslıhatynda. 

Buǵan deıin ınternet jyldamdyǵy nashar aýyl mektepterin Starlink júıesine qosý boıynsha jumystar júrgizilip jatqany týraly habarlaǵan edik. 

Eske sala ketsek, Qazaqstanǵa Starlink júıesiniń alǵashqy partııasy bıyl aqpanda jetkizildi.