Sý basqan óńirlerden 23 myń adam poıyzben kóshirilgen

<p>ASTANA. KAZINFORM &ndash; Sý tasqyny kezinde avtokólik qatynasy múmkin bolmaǵan óńir turǵyndary poıyzben tasymaldanǵan.</p>

«Sý tasqyny kezinde bizdiń kompanııa 113 qosymsha vagon usynyp, sý basqan aımaqtardan jalpy sany 23 myń adamdy tasymaldady. Onyń ishinde Atyraý oblysyndaǵy Qulsary qalasynan 12,5 myń turǵyn poıyzben kóshirildi», - dedi «Jolaýshylar tasymal» AQ basqarma tóraǵasy Jánibek Taıjanov vedomstvoda ótken baspasóz máslıhatynda.

Odan bólek, Tótenshe jaǵdaılar mınıstrligi jáne Ulttyq ulannyń ótinishi boıynsha 4,8 myńǵa jýyq kúsh sý basqan aımaqtarǵa poıyzben barǵan.

Sondaı-aq, Oqý-aǵartý mınıstrliginiń ótinishi boıynsha 500 balany lagerge poıyzben aparǵan.

Brıfıng barysynda Ulttyq vagon parki 700 zamanaýı vagonmen tolyǵatyny aıtyldy.

Aıta keteıik, elimizde áıelderge arnalǵan poıyzdar sany artady.