Sý basqan óńirlerde sý synamasyna zertteý júrgiziledi

<p>ASTANA. KAZINFORM &ndash; Sý tasqynyna ushyraǵan óńirlerde sanıtarlyq-dezınfektsııalyq rejım saqtalyp, aýyz sý men qaýipsiz tamaqtanýdy uıymdastyrý baqylaýda bolady. Bul týraly Densaýlyq saqtaý mınıstrliginiń resmı ókili Áıgerim Ýrazalıeva málim etti.</p>

«Sanıtarlyq-hımııalyq jáne mıkrobıologııalyq kórsetkishterge sý synamalaryn zertteý júrgiziledi. 4 myńnan astam sý synamasynyń 133 synamasy gıgıenalyq normatıvterge sáıkes kelmeıdi. Jalpy, sáıkes kelmeıtin synamalar boıynsha kórsetkish ótken eki jyldyń qorytyndysy boıynsha ortasha respýblıkalyq jyldyq kórsetkishten aspaıdy. Óńirlerde sanıtarlyq-epıdemıologııalyq salaýattylyqty qamtamasyz etý boıynsha jumys jalǵasýda. Sondaı-aq, jaǵdaı densaýlyq saqtaý mınıstrliginiń turaqty baqylaýynda», - dedi Áıgerim Ýrazalıeva Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, mınıstrlik ókili evakýatsııalyq pýnktterde aýyz sý rejımin jáne qaýipsiz tamaqtanýdy uıymdastyrýdy baqylaý júrgiziledi. Sanıtarlyq-dezınfektsııalyq rejım saqtalady. 

Buǵan deıin habarlaǵanymyzdaı sý basqan óńirlerde medıtsınalyq mekemeler táýlik boıy jumys istep tur. 

Aıta ketsek, Tótenshe jaǵdaılar mınıstrliginiń búgingi málimeti boıynsha sý basqan óńirlerde 72 029 adam qaýipsiz jerge kóshirildi.