Sý basqan óńirlerde medıtsınalyq mekemeler táýlik boıy jumys istep tur

<p>ASTANA. KAZINFORM &ndash; Elimizde sý tasqynyna ushyraǵan óńirlerde halyqqa medıtsınalyq kómek kórsetilip jatyr. Bul týraly Densaýlyq saqtaý mınıstrliginiń resmı ókili Áıgerim Ýrazalıeva málim etti.</p>

«Eldegi qıyn jaǵdaı Densaýlyq saqtaý mınıstrliginiń erekshe baqylaýynda. Sý tasqyny basqan óńirlerdegi barlyq medıtsınalyq uıym, medıtsınalyq kómekke muqtaj adamdarǵa qol jetimdilikti qamtamasyz etý úshin kúsheıtilgen rejımde jumys isteıdi. Sý basqan óńirlerde 3 myńǵa jýyq medıtsına qyzmetkeri jáne 300-ge jýyq jedel járdem brıgadasy jumys istep jatyr», - dedi Áıgerim Ýrazalıeva Ortalyq kommýnıkatsııalar qyzmeti alańynda ótken baspasóz máslıhatynda.

 Onyń aıtýynsha, sý basqan óńirlerdegi medıtsınalyq mekemeler táýlik boıy jumys isteýde.

«Mamandar medıtsınalyq kómekke muqtaj barlyq jandy qabyldaıdy. Árbir naýqas dárigerlerden qajetti medıtsınalyq kómek alýda», - deıdi mınıstrlik ókili.