Sý basqan óńirlerde geodezııalyq ólsheý jumystary júrip jatyr

<p>ASTANA. KAZINFORM &ndash; Óńirlerdegi sý tasqynyna baılanysty ózender men sý beketteriniń geodezııalyq jaǵdaıy tekserilip jatyr.&nbsp;</p>

Tsıfrlyq damý, ınnovatsııalar jáne aeroǵarysh ónerkásibi mınıstrliginiń resmı ókili Albına Áten málimdegendeı, Batys Qazaqstan, Atyraý jáne Pavlodar oblystaryndaǵy «Ulttyq geodezııa jáne keńistiktik aqparat ortalyǵy» RMK jáne jeke geodezııalyq kompanııalardyń mamandarynan shtab qurylǵan. 

«Geodezııashylar toby Batys Qazaqstan jáne Atyraý oblystaryndaǵy Oral, Atyraý qalalarynda jáne ıAnvartsevo, Kóshim, Taıpaq, Inderbor, Mahambet, Erkinqala, Jańatalap aýyldarynda sý beketinde geodezııalyq ólsheý jumystaryn júrgizgen. Sonymen qatar Pavlodar oblysyndaǵy Ertis ózeniniń 6 baqylaý-ólsheý stantsııasyn úılestirý jumystary júrgizip jatyr», - dedi Albına Áten OKQ-de ótken brıfıngide.

Sondaı-aq, Jaıyq ózeni boıyndaǵy avtomobıl joldary, sý tasqynynan qorǵaý bógetteri men qurylystarǵa geodezııalyq ólsheý júrgiziledi. 

«Atqarylǵan is-sharalardyń qorytyndysy boıynsha sý tasqyny qaýpinen qorǵalmaǵan ýchaskelerdi aıqyndap, qaıta nyǵaıtý qajet», - deıdi ol.