Sý basqan óńirlerde 16 myń adam úıine oraldy – TJM

<p>ASTANA. KAZINFORM &ndash; Sý tasqynynan keıin adamdar úılerine oralyp jatyr. Sondaı-aq 6950 adam, onyń ishinde 3113 bala evakýatsııalaý pýnkterinde qalyp otyr. Bul týraly Tótenshe jaǵdaılar mınıstrligi Azamattyq qorǵanys jáne áskerı bólimder komıtetiniń aǵa ofıtseri Erasyl Saıpash málim etti.</p>

«Sý tasqyny týraly búgin saǵat 10:00-degi jaǵdaı, Tótenshe jaǵdaılar mınıstrliginiń Apattar medıtsınasy ortalyǵynyń psıhologtary sý tasqyny qaýpi bar óńirlerdiń turǵyndaryna shuǵyl psıhologııalyq jáne aqparattyq táýlik boıy kómek kórsetip jatyr. Jedel jeli telefonyna 1857 qońyraý tústi. Qazirgi ýaqytta 3709 turǵyn úı men 2475 aýla aýmaǵynan aǵyn sýdyń baǵyty buryldy», - dedi Erasyl Saıpash Ortalyq kommýnıkatsııalar qyzmeti alańynda ótken baspasóz máslıhatynda. 

TJM ókiliniń málimetinshe, osy ýaqytta 16 myń adam úılerine oraldy. 

«6950 adam, onyń ishinde 3113 bala evakýatsııalaý pýnkterinde. Sonymen qatar tótenshe aımaqtardan turǵyndar men maldy qaýipsiz jerge kóshirý júrgizilip jatyr», - deıdi ol. 

Buǵan deıin sý tasqynyna baılanysty elimizdiń bes óńirinde 11 jol jabyq turǵany týraly habarlaǵan edik.